„თბილისელების“ სამზარეულო
სალათა „ეგზოტიკა”
საჭირო ინგრედიენტებია: სალათის ფოთლები, 2 კვერცხი, ლორის 4 თხელი ნაჭერი, 150 გრამი ბოლოკი, 100 გრამი ქამა სოკო, ნახევარი ლიმონი, ცოტა მარილი, 2 სადილის კოვზი არაჟანი.
სოუსისთვის: 1 ჩაის კოვზი მდოგვი, 1 ჩაის კოვზი ვაშლის ძმარი, 4 სადილის კოვზი ზეთი, მარილი, პილპილი – გემოვნებით.
მომზადების წესი: კარგად გარეცხეთ და ხელსახოცით შეაშრეთ მწვანე სალათის ფოთლები და ჩააფინეთ მოზრდილ სასალათეში. მარილიან წყალში მაგრად მოხარშეთ კვერცხი, დაჭერით კუბიკებად და ჩაყარეთ სასალათეში. მოაყარეთ თხლად დაჭრილი ბოლოკი, ქამა სოკო, მოასხით ლიმონის წვენი, მოაწყვეთ ლორი, უყავით ცოტა მარილი, მოასხით სალათის სოუსი და აურიეთ. სალათის შუაში მოათავსეთ არაჟანი.