ივანოვიჩმა მკერდი გამოფინა
მსოფლიოს ყოფილმა პირველმა ჩოგანმა ანა ივანოვიჩმა, ჩოგნის ქნევას, პრაქტიკულად, თავი დაანება და ეს იმით ახსნა, ცოტა ხნით ფსიქოლოგიური დასვენება მჭირდებაო. ჰოდა, ანა სინგაპურში, გოლფისტთა მაღალი დონის ტურნირზე გამოჩნდა და, სანამ ჟურნალისტებს საკუთარი გეგმების შესახებ მოახსენებდა, ყურადღება „ახალი მკერდით” მიიპყრო.
„არ ვიცი, რა დაინახეთ ჩემს მკერდში უცნაური. ოპერაცია არ გამიკეთებია, ალბათ, უბრალოდ, გავიზარდე და მკერდიც გამეზარდა. როცა პირველად გამოვჩნდი, 17 წლის ვიყავი, ახლა კი 22-ის ვარ“, – განაცხადა ანამ.
რაც შეეხება გოლფის ტურნირს, სინგაპურში ივანოვიჩი თავისი მეგობარი მამაკაცის, ადამ სკოტის საქომაგოდ ჩავიდა. სკოტი უბრალო ვინმე არ გეგონოთ, მსოფლიო რეიტინგში მესამე ადგილზეა და წელს უკვე 30 მილიონის მოგროვება შეძლო.