ეს დიეტაც სამდღიანია. არც ძნელი გასაკეთებელია, მაგრამ, როგორც ნებისმიერი სხვა დიეტის დაცვისას, ამჯერადაც აუცილებლად უნდა აიღოთ ნებართვა თქვენი მკურნალი ექიმისგან.

დღის განმავლობაში სულ დაგჭირდებათ:

1. პური „მხნეობა“ –  ნახევარი;

2. საზამთრო – დაახლოებით 3-კილოგრამიანი;

3. გაზგასული მინერალური წყალი – 1 ლიტრი;

4. პიტნის ან მწვანე ჩაი.

დასაშვებია მხოლოდ ერთი ფინჯანი უშაქრო ყავა – დილით.

ამ დიეტის დაცვა განსაკუთრებით სასარგებლოა მათთვის, ვისაც მაღალი არტერიული წნევა აქვს (ცხადია, იგულისხმება, რომ რაიმე ისეთი დაავადება არ უნდა გაწუხებდეთ, რასაც საზამთრო ვნებს).

რეჟიმი ასეთია:

8 საათზე – ყავა;

9 საათზე – საზამთროს 2 გრძელი ნაჭრის რბილობი; ნახევარ საათში – 1 ჭიქა გაზგასული მინერალური წყალი;

11 საათზე – 2 ჩაის ჭიქა უშაქრო ჩაი (მწვანე ჩაი ან პიტნის) და „მხნეობის“ 2 თხელი ნაჭერი; ნახევარ საათში – 1 ჭიქა მინერალური;

13 საათზე – საზამთროს 2 ნაჭერი;

15 საათზე – 2 ჭიქა გაზგასული მინერალური წყალი და 1 თხელი ნაჭერი „მხნეობა“;

17 საათზე – საზამთროს 2 ნაჭერი და „მხნეობის“ 2 თხელი ნაჭერი;

19 საათზე – 1 ჩაის ჭიქა უშაქრო ჩაი.

ამ დიეტის სამივე დღე აბსოლუტურად ერთნაირია. შედარებით მეტი თავისუფლება გენიჭებათ სითხის რაოდენობის მიღებაში – შეგიძლიათ, 1 ჭიქის ნაცვლად 2 ჭიქა დალიოთ, ანუ, დღიური ნორმა 2 ლიტრამდე უნდა იყოს.

გარდა ამისა, არ დაგავიწყდეთ, დილა-საღამოს გაიკონტროლეთ არტერიული წნევა.

თუ ყველაფერს ზუსტად შეასრულებთ, 3 დღეში 2 კილოგრამამდე დაიკლებთ.

ამ დიეტის გამეორება ორკვირიანი შუალედებით შეიძლება.