„მანჩესტერ სიტის” თავდამსხმელმა, არგენტინელმა კარლოს ტევესმა, აღიარა, რომ მთელი ზაფხული დეპრესიაში იყო, რის გამოც პირს ვერ აჩერებდა და წონაში რამდენიმე კილოგრამით მოიმატა. „პირადული კრიზისი მქონდა ამ ზაფხულს და ზედმეტი ექვსი-რვა კილოგრამი მოვიმატე... დეპრესიის გამო პირს ვერ ვაჩერებდი და 24 საათის განმავლობაში ვჭამდი. მხოლოდ ჩემმა მეგობრებმა და ოჯახის წევრებმა იცოდნენ, რომ ცუდად ვიყავი”, – განუცხადა ტევესმა ბრიტანელ ჟურნალისტებს. ცნობილია, რომ არგენტინელს კლუბის შეცვლა სურდა და სამშობლოსთან ახლოს, ბრაზილიურ „კორინთიანსში” უნდოდა კარიერის გაგრძელება, თუმცა, ტრანსფერი ვერ მოხერხდა და ტევესი ამ სეზონშიც „სიტის” ღირსებას დაიცავს.