ყოფილმა მძიმეწონოსანმა, მსოფლიოს ჩემპიონმა კრივში – ევანდერ ჰოლიფილდმა, რომელსაც ოქტომბერში 49 წელი შეუსრულდება, მსოფლიოს ჩემპიონის ტიტულის დაბრუნება განიზრახა და ბრძოლაში გამოიწვია რუსი ალექსანდრ პოვეტკინი, რომელიც WBA-ს ვერსიით, მსოფლიოს ჩემპიონი ქამრის ამჟამინდელი მფლობელია. ჰოლიფილდს ბრძოლის გამართვა გვიან შემოდგომაზე სურს, თუმცა უცნობია, დასთანხმდება თუ არა პოვეტკინი მის გამოწვევაზე. ცნობილია, რომ პოვეტკინთან შებმას მსოფლიოს საუკეთესო მძიმეწონოსანი მოკრივე, უკრაინელი ვლადიმირ კლიჩკოც გეგმავს.