დათო ხუჯაძე “დიდი ვაშლის„ მუსიკალური დაჯილდოებისთვის ემზადება
15 ნოემბერს ნიუ-იორკის ერთ-ერთ ცნობილ საკონცერტო დარბაზში – „მანჰეტენ ცენტრში“, გაიმართება საერთაშორისო დაჯილდოების მეორე ცერემონიალი – „ბიგ ეიფლ მიუზიქ ევორდს“. მონაწილეებს „აზიური მუსიკის პოპულარიზაციისთვის მთელ მსოფლიოში“ მუსიკალური პრემიები გადაეცემათ. ცერემონიალი ფართოდ გაშუქდა ამერიკის შეერთებულ შტატებში, კანადაში, იტალიაში, საფრანგეთში, შვედეთსა და სხვა ქვეყნებში. დაჯილდოების ცერემონიალი თხუთმეტ ტელეარხზე, მათ შორის „ბიბისიზეც“ მოხდება. აღნიშნულ ცერემონიალზე წარმოდგენილნი იყვნენ მომღერლები ჩვიდმეტი ქვეყნიდან, მათ შორის, რუსეთში მოღვაწე ქართველი მომღერალი დათო ხუჯაძე. ის ერთდროულად წარმოადგენს რუსეთსა და საქართველოს. ფართო პუბლიკისთვის დათო ცნობილია როგორც მრავალფეროვანი მომღერალი, მომუშავე ისეთ მუსიკალურ მიმდინარეობებში, როგორიცაა არენბი, დენსი, პოპუ, სოული, ჯაზი, მაგრამ აღმოსავლური სტილისტიკა ყოველთვის ახლოს იყო მის შემოქმედებასთან. ამიტომაც, ამ ცერემონიალში მონაწილეობა მომღერლისთვის დიდი პატივია. სავარაუდოდ, დათო კონცერტზე ორ სიმღერას შეასრულებს, ესენია: „მახინჯი ვარ“ და „ჯან-აია“.