“სოფლის მაშენებელთა„ დაჯილდოების ცერემონიალი
8 ნოემბერს კლუბ „ტრიუმფში“ მეხუთედ იმართება კულტურის, ხელოვნების, სპორტის, სოციალური პროექტების მოამაგე კომპანიათა დაჯილდოების ცერემონიალი „სოფლის მაშენებელნი 2008-2009“, რომლის პარტნიორები არიან: თბილისის მერია, ეკონომიკური განვითარების სამინისტრო, ეროვნული საინვესტიციო სააგენტო, კულტურის, სპორტისა და ძეგლთა დაცვის სამინისტრო. პროექტის მიზანია, აჩვენოს ფართო საზოგადოებას ქომაგობის მაგალითების ფაქტები, ხოლო თავად კომპანიებისთვის სოციალური პასუხისმგებლობის სტიმულირება მოახდინოს. წელს ჯილდოზე წარდგენილნი არიან: შინაგან საქმეთა სამინისტრო, საპატრულო პოლიციის დეპარტამენტი, საავტომობილო გზების მშენებლობის დეპარტამენტი და თბილისის მერიის წარმატებული პროექტი „საქართველო-გზა-მეცნიერება“ და ყველა მათგანს, რომელთაც „სოფლის მაშენებლების“ ტიტული მიენიჭათ. რაც შეეხება ტიტულს „მეცენატი“, მიიღეს კომპანიებმა „ავერსის კლინიკა“, „კუზანოვ-კლინიკა“, „ღუდუშაურის კლინიკა“, „ბაგრატი 1003“, „მადნეული“, „კვარციტი“, „ქინძმარაულის მარანი“, „ბადაგონი“ და სხვა. როგორც ორგანიზატორებმა გვითხრეს, ცერემონიალის შინაარსს დაესესხნენ სულხან-საბას ამავე სახელწოდების იგავს, რომლის შესაბამისიც იყო ჯილდოც – ფრთებაწეული მამლის ქანდაკება.