ყოფილი „მის საქართველოს”, ულამაზესი ირინა ონაშვილის შესახებ სასიამოვნო ინფორმაცია გავრცელდა, როგორც ქალაქში ამბობენ: ირინა და მისი მეუღლე, საქართველოს სპორტისა და ახალგაზრდულ საქმეთა მინისტრი, ლადო ვარძელაშვილი, შვილს ელოდებიან. წყვილის ზღაპრულ ქორწილზე ჩვენი ჟურნალიდან გიყვებოდით, ახლა კი ისინი ცხოვრების სრულიად ახალ ეტაპზე გადადიან. როგორც გავიგეთ, ირინა დედობისთვის ემზადება, თუმცა, აქტიური, დატვირთული რეჟიმით ცხოვრობს. რამდენიმე დღის წინ ის, მეუღლესთან ერთად ლიტვაში, საქართველოს საკალათბურთო ნაკრების მხარდასაჭერად იმყოფებოდა.