ლონდონის „ტოტენჰემისა” და ინგლისის ნაკრების ფორვარდს, პიტერ კრაუჩს ხუთი თვის წინ მეუღლემ, მოდელმა ები კლენსიმ, ქალიშვილი გაუჩინა. მას შემდეგ წყვილი თურმე ღამეებს ათენებს და მთელ თავისუფალ დროს შვილს უთმობს. ბოლო დროს ების და განსაკუთრებით კი პიტერს გაუჭირდათ და საერთო გადაწყვეტილებით ძიძის აყვანა გადაწყვიტეს, თუმცა, ბოლო მომენტში, ებიმ აზრი შეიცვალა და სულ მალე, პიტერთან საცხოვრებლად, მისი სიდედრი, ების დედა – კარენი გადმოვა. ჯერჯერობით უცნობია, პიტერის რეაქცია სიდედრის ჩამოსვლასთან დაკავშირებით. სამაგიეროდ ცნობილია, რომ ორმეტრიანი ფორვარდის მიმართ ინტერესს მილანური გრანდი – „მილანი” იჩენს და 8 მილიონი ფუნტი სტერლინგის გადახდასაც აპირებს.