თბილისის მთავარი მოედნის, „ერევანსკაია პლოშადისა” და გოლოვინის პროსპექტის შემაერთებელი მონაკვეთი – სასახლის ქუჩა, ვიწრო ყელს ქმნიდა. სწორედ აქ, სასახლის ქუჩაზე მდებარეობდა დავით სარაჯიშვილის სახლი. (1930 წელს ეს ქუჩა გაგანიერდა, შეუერთდა მთავარ მოედანს, რის გამოს სასახლის ქუჩისა და შესაბამისად, სახლის კვალიც დაიკარგა). 120 წლის წინ, ამ სახლში, მხატვარმა გიგო გაბაშვილმა ქართველებს შორის პირველი პერსონალური გამოფენა მოაწყო. ეს იყო ერის ისტორიაში პირველი გამოფენა, რომელმაც საფუძველი დაუდო შემდგომში საქართველოში პერსონალური გამოფენების მოწყობას. საინტერესოდ იცხოვრა მხატვარმა გიგო გაბაშვილმა. სწორედ მისი ცხოვრების დეტალებზე გვესაუბრება დღევანდელ ინტერვიუში მკვლევარი გოგი სარაჯიშვილი.