გათხოვდა პრინცესა ვიქტორია, დაქორწინდა პრინცი უილიამი და ცოლი შეირთო თავადმა ალბერტმა... წარმოგიდგენიათ სამეფო ქორწილი? დავიწყოთ თაიგულით: საქორწინო თაიგულის არჩევისას პრინცესები ყოველთვის პატრიოტიზმს ავლენენ. პრინცესა ვიქტორიას თაიგული, რომელიც შარშან გაჰყვა ცოლად ფიტნესის მწვრთნელს, მთლიანად შვედური ყვავილებით იყო შეკრული, ანუ, შროშანებით, ტიტებით, პიონებითა და კლემატოსებით.
* მონარქების ქორწინების დღე ყოველთვის უქმეა მათი ქვეშევრდომებისთვის.
* სტუმრები: უფლისწულ უილიამისა და ქეით მიდლტონის ქორწილში 1 900 სტუმარი იყო მიწვეული, თავადი ალბერტის დაქორწინებას კი 6 000 მონაკოელი ესწრებოდა, მიწვეულ ოფიციალურ სტუმრებთან ერთად.
* ელიზაბეთ მეორე პირველი ინგლისელი მონარქია, რომელმაც ბრილიანტის ქორწილი გადაიხადა – 60 წელია ის პრინც ფილიპთან ერთად ცხოვრობს.
* საქორწინო ფიცის ტექსტიდან, ქეით მიდლტონის მოთხოვნით, საერთოდ ამოიღეს სიტყვა „ცოლი“. ის გარდაცვლილი დედამთილივით მოიქცა და არაფრით არ თქვა, რომ ცოლი ყველაფერში ქმარს უნდა ემორჩილებოდეს. ეს არც ლედი დის უთქვამს.
* ლონდონის ქუჩებში 750 000 მაყურებელი იყო გამოსული. მათ პირადად უნდოდათ, მიელოცათ ბრიტანელი პრინცისთვის. პაწაწინა მონაკომ ძლივს დაიტია 100 000 ტურისტი მთელი ევროპიდან.
* უილიამისა და ქეითის ქორწინების გამო, ბრიტანეთის სამეფო სახლმა საუკუნეობრივი ტრადიცია დაარღვია: ვინაიდან ახალდაქორწინებული წყვილის სახელების ინიციალები – WC – ინგლისურად „ტუალეტს“ ნიშნავს, მათ ადგილები შეუნაცვლეს და სუვენირები და ემბლემები CW ინიციალებით დაამშვენეს.
* შროშანი – ბედნიერებისა და წმიდა სიყვარულის სიმბოლოა. ეს ყვავილი ყოველთვის ხვდება პრინცესების თაიგულებში: ისინი იყო როგორც გრეის კელის, ქეით მიდლტონის თაიგულშიც.
* მუსიკა, რომელიც ქეითისა და პრინც უილიამის ქორწილში ჟღერდა, გამოიცა, როგორც საუნდთრეკი. ეს პირველი შემთხვევაა სამეფო ქორწინების ისტორიაში.
* ვალდებულებები: მონაკოს პირველი ლედის ტიტული შერლონ უიტსტოკს აიძულებს, დროის დიდი ნაწილი ქველმოქმედებას მოახმაროს. ქეით მიდლტონს უფლება აღარ აქვს, მონაწილეობა მიიღოს არჩევნებში, იმუშაოს, ითამაშოს „მონოპოლია“ და ჭამოს მოლუსკები.
* ქეით მიდლტონის საქორწინო კაბა დახურული გულით, ინგლისური ტრადიციების პატივისცემა იყო. ხელით ნაქსოვი მაქმანები საფრანგეთში შეუკვეთეს. მკერავები ყოველ 30 წუთში იბანდნენ ხელებს, შემთხვევით რომ არ დაესვარათ. მაქმანებზე გამოსახული იყო ინგლისის ემბლემები: ვარდი, ნარცისი და სამფურცელა.
* სამეფო ქორწინება ვესტმინსტერის სააბატოში პირველად 911 წლის წინ ჩატარდა, როცა ჰენრიჰ პირველმა ცოლად შვედეთის პრინცესა მატილდა შეირთო. 2011 წლის 29 აპრილს, ანუ იმავე დღეს, პრინცი უილიამი დაქორწინდა.
* პირველი მფლობელი იმ დიდებული ტიარისა, რომელიც აგვირგვინებდა პრინცესა ვიქტორია შვედის საქორწინო სამოსს 2010 წლის ივნისში იყო ნაპოლეონ ბონაპარტეს მეუღლე ჟოზეფინა. ეს უკვე საგვარეულო განძია.
* აბა, რა ქორწილია ფოიერვერკის გარეშე! მონაკოს პრინცის გრანდიოზული საქორწინო შოუ ჟან მიშელ ჟარის ავტორობით, ორ საათს გაგრძელდა.
* ყველაზე სასურველი სუვენირი ბრიტანეთის სამეფო ქორწილის შემდეგ, აღმოჩნდა ჩაის ერთჯერადი პაკეტები, პრინცი უილიამისა და ქეითის გამოსახულებით.
* ბრიტანეთის პრინცები და სამეფო ოჯახის წევრები ვალდებულნი არიან, იცოდნენ იალქნიანი ტრანსპორტის მართვა. თაფლობის თვის ერთი კვირა უილიამმა და მისმა მეუღლემ თეთრ, მდიდრულ იახტაზე გაატარეს. სამეფო წყვილის გასეირნება 1 მილიონი დოლარი დაჯდა.