სწავლულთა ინტერნაციონალურმა ჯგუფმა ჩაატარა კროსკულტურული გამოკვლევა, რათა გაერკვიათ, რით განსხვავდება სიყვარულის გაგება სხვადასხვა ხალხში. როგორც გაირკვა, ყველა ეთნოსს სხვადასხვანაირად უყვარდებათ, ერთმანეთისადმი სხვადასხვანაირ ყურადღებას იჩენენ, ურთიერთობებში აბსოლუტურად სხვადასხვა ცხოვრებისეულ ასპექტებს აფასებენ. ერთადერთი, რაც აერთიანებს ამ ხალხებს სიყვარულში – ეს ერთად ყოფნის სურვილია.
სხვათა შორის რომანტიკული სიყვარულიც ყველა ქვეყანაში თავისებურია: ამერიკელებისთვის სიყვარული, ესაა „სითბოსა და სასიამოვნო ნისლის შეგრძნება თვალწინ“, ლიტველები „ჭაობიან ადგილებში თბილ წვიმაში სეირნობაზე“ ოცნებობენ, უკრაინელები „ცარიელ ქუჩებში სეირნობას“, „მოულოდნელ კოცნას“ ანიჭებენ უპირატესობას, რუსებს კი „განთიადის შეხვედრა“ იტაცებთ.
ამას გარდა, გაირკვა, რომ ლიტველებისთვის საკმარისია, სულ ერთი თვე, რომ შეუყვარდეთ, ამერიკელებისთვის – ორი თვიდან ერთ წლამდე. ამერიკელები ურთიერთობაში მეგობრობასა და მხარდაჭერას აფასებენ, აღმოსავლეთ ევროპის მცხოვრები საერთოდ არ იყენებენ სიტყვებს, როდესაც წყვილს შორის ნაზი გრძნობებია.
აღმოსავლეთ ევროპელებისთვის სიყვარული – „ხანმოკლე ზღაპარი“, „არარეალური“ და „დროებითი ილუზიაა“. ამერიკაში ამისთვის სიტყვა – „მოტყუება“ შეარჩიეს. აღმოჩნდა, რომ აღმოსავლეთ ევროპელი შეყვარებულები უფრო რომანტიკულები არიან.