ბრაზილიის ყველაზე ცნობილი საფეხბურთო არენის, „მარაკანას” სარეკონსტრუქციო სამუშაოები გაურკვეველი ვადით გაჩერდა, რაც იქ მომუშავე მუშების გაფიცვამ გამოიწვია. საქმე ისაა, რომ სამუშაოს შესრულების დროს ერთ-ერთ მუშას შემთხვევით ბენზინით სავსე „კანისტრა“ აუფეთქდა, რამაც დანარჩენი მუშების უკმაყოფილება გამოიწვია. მათ მუშაობის პირობების გაუმჯობესება მოითხოვეს, წინააღმდეგ შემთხვევაში, მუშაობის შეწყვეტით დაიმუქრნენ. „მარაკანას” რეკონსტრუქცია ბრაზილიელებს 630 მილიონი დოლარი უჯდებათ და 2013 წლისთვის მზად უნდა იყოს, რადგან ბრაზილიამ „ფიფას” კონფედერაციის თასს უნდა უმასპინძლოს, ერთი წლის შემდეგ კი, – 2014 წელს მუნდიალის მატჩებს, მათ შორის საფინალო შეხვედრასაც.