* მარკო პოლომ ევროპელთაგან პირველმა ნახა ადამიანი, რომელიც ჰაერზე მძიმე აპარატით გაფრინდა. ეს იყო ჩინური საჰაერო გველი.
* 1991 წელს მთელი ფრანგული პოლიცია ფეხზე დადგა, მკაცრად კონტროლდებოდა პორტები და საზღვრები. ეძებდნენ მას შეშლილთა კლინიკაშიც, რადგან იქ მყოფი ზოგი ადამიანი ამტკიცებდა, რომ ის მისი საყვარელი იყო. ის მხოლოდ 1913 წელს იპოვეს – ეს გახლდათ „მონა ლიზა“.
* გასული საუკუნის 80-იან წლებში, გრენლანდიასთან ახლოს, კუნძულ დისკოზე, იპოვეს მინერალი, რომელიც დედამიწაზე სხვაგან არსად უნახავთ. სანტერესოა, რომ ეს მინერალი ძალიან ჰგავს მთვარიდან ჩამოტანილ ნიმუშს.
* ვინმე რონალდ სელდესტი სამ კრონად მსურველებს ზღვის ავადმყოფობის საწინააღმდეგო საშუალებას სთავაზობდა. ათასობით ადამიანი უგზავნიდა მას ამ თანხას და ოპერატიულად იღებდა „უტყუარ საშუალებას“ – რჩევას: „დარჩით ხმელეთზე!
* ამერიკაში ამზადებენ შპალერს, რომელიც ოთახიდან „ისრუტავს“ არასასურველ სუნებს... ძირითადად კი, ის გათვალისწინებულია თამბაქოს ბოლის საწინააღმდეგოდ.
* 1994 წელს ნიუიორკელ სამ ახალგაზრდა ნეოფაშისტს, რომლებიც ებრაელთა საფლავებზე სვასტიკებს ხატავდნენ, უჩვეულო სასჯელი მიესაჯათ – მათ უნდა ენახათ კინოფილმი „შინდლერის სია“.
* რეკორდი მოწინააღმდეგის თვითმფრინავების ჩამოგდებაში ერიხ ჰარტმანს ეკუთვნის – მის ანგარიშზე 352 ჩამოგდებული თვითმფრინავია. საბჭოთა კავშირს ნამდვილად არ ჰქონდა ამ მხრივ სატრაბახოდ საქმე, რადგან საბჭოთა მფრინავების მაქსიმუმი 62 იყო.
* 1976 წელს ამერიკელი მოჭიდავე მაიკლ ფარინი მანამდე არ დაუშვეს ხალიჩაზე, სანამ არ გაიხადა მაისური, მოიხსნა სათვალე და პირიდან არ გამოაგდო საღეჭი რეზინა... – ის მხოლოდ ამის შემდეგ „ჩაჯდა“ შესაბამის წონით კატეგორიაში.
* ფლორიდის ქალაქ სარასოტაში ამაყობენ ორი მემორიალური ადგილით, რომელიც დაკავშირებულია ერნესტ ჰემინგუეისთან: პირველი არის რესტორანი, სადაც მთვრალმა მწერალმა დებოში მოაწყო და გატეხა ჭაღი და, მეორე – საავადმყოფო, სადაც ჩამოვარდნილი ჭაღით დაშავებული მიიყვანეს.
* ყველა დროისა და ხალხის შექმნილ „ყველაზე ძვირფას ავტომანქანად“ ითვლება საავიაციო ფირმა „ბოინგის“ მიერ დამზადებული „ავტომობილი“, რომლითაც კოსმონავტები მთვარეზე გადაადგილდნენ.
* 1968 წელს პირველად გაიცა პრესტიჟული პრიზი ბომბარდირ ფეხბურთელთათვის – „ოქროს ბუცი“. მისი დამაარსებლები იყვნენ ყოველკვირეული „ფრანს ფუტბოლი“ და ფირმა „ადიდასი“.