22 აგვისტო
1770 – ინგლისელმა ზღვაოსანმა ჯეიმს კუკმა აღმოაჩინა ავსტრალიის აღმოსავლეთი სანაპირო და ის დიდი ბრიტანეთის საკუთრებად გამოაცხადა.
1932 – ბრიტანულმა არხმა „ბიბისიმ“ დაიწყო პირველი ტელეტრანსლაციები.
1968 – რომის პაპი პავლე მეექვსე, ეწვია ბოგოტას (კოლუმბია). ეს იყო რომის პაპის პირველი ვიზიტი ლათინურ ამერიკაში.
2005 – მარია შარაპოვა გახდა მსოფლიოს პირველი ჩოგანი.
23 აგვისტო
1903 – რუსეთის სოციალ-დემოკრატიულ პარტიაში განხეთქილების შედეგად, ჩამოყალიბდა ბოლშევიკებისა და მენშევიკების ფრაქციები.
1913 – კოპენჰაგენში გაიხსნა სირინოზის ძეგლი.
1939 – დაიდო მოლოტოვ-რიბენტროპის პაქტი საბჭოთა კავშირსა და გერმანიას შორის ევროპის ახალი გადანაწილების შესახებ.
1989 – ბალტიისპირეთის ქვეყნების მოსახლეობამ, საბჭოთა ოკუპაციის წინააღმდეგ პროტესტის ნიშნად, 600-კილომეტრიანი ცოცხალი ჯაჭვი შექმნა. მათ ერთმანეთს ჩასჭიდეს ხელი და ვილნიუსიდან ტალინამდე ჩამწკრივდნენ.
24 აგვისტო
79 – ვეზუვის ამოფრქვევამ გაანადგურა სამი იტალიური ქალაქი: პომპეი, ჰერკულანუმი და სტაბიუმი.
410 – რომის პირველი დაცემა – გოთებმა, ალარიხის ბელადობით, აიღეს და გაძარცვეს „მარადიული ქალაქი“.
1572 – „ბართლომეს ღამე“ პარიზში – ჰუგენოტების ხოცვა კათოლიკეთა მიერ.
1949 – ფუნქციონირება დაიწყო საერთაშორისო ორგანიზაცია „ნატომ“.
1995 – გასაყიდად გამოიტანეს ოპერატიული სისტემა „WINDOWS 95“.
25 აგვისტო
1718 – ფრანგმა კოლონისტებმა დააარსეს ქალაქი ნიუ-ორლეანი (ამერიკის შეერთებული შტატები).
1875 – კაპიტანი მეთიუ უები გახდა პირველი ადამიანი, ვინც გადაცურა ლამანშის სრუტე.
1944 – ფაშისტებისგან გათავისუფლდა ქალაქი პარიზი.
1950 – ეკრანებზე გამოვიდა აკირა კუროსავას ფილმი „რასემონი“.
26 აგვისტო
ჩვენს წელთაღრიცხვამდე 55 – გაიუს იულიუს კეისარმა თავისი არმიით მოაღწია ბრიტანელთა ნაპირებს. ეს იყო „ცივილიზებული მსოფლიოს“ პირველი გაცნობა ამ კუნძულთან.
1071 – მანაცკერტის ბრძოლაში თურქ-სელჩუკებმა გაანადგურეს ბიზანტიელები და წაართვეს მათ სომხეთი და მცირე აზიის უდიდესი ნაწილი.
1498 – მიქელანჯელომ დაიწყო მუშაობა სკულპტურულ კომპოზიციაზე – „პიეტა“.
1813 – დრეზდენის ბრძოლა. ნაპოლეონის უკანასკნელი გამარჯვება.
1883 – ვულკან კრაკატაუს უძველესი ამოფრქვევა (ინდონეზია), ითვლება უძლიერეს ამოფრქვევად ჩვენს ათასწლეულში.
1970 – ჯიმი ჰენდრიქსის უკანასკნელი გამოსვლა სცენაზე.
27 აგვისტო
1859 – ედვინ დრეიკმა ამერიკაში გათხარა პირველი ჭაბურღილი ნავთობის მოსაპოვებლად.
1912 – გამოქვეყნდა ედგარ ბეროუზის „ტარზანის თავგადასავალი“.
1939 – პირველი რეაქტიული თვითმფრინავის „HE-178-ის“ პირველი გაფრენა (გერმანია).
1955 – გამოვიდა გინესის რეკორდების პირველი წიგნი.
28 აგვისტო
476 – არსებობა შეწყვიტა რომის იმპერიამ.
1904 – ამერიკის შეერთებული შტატების ქალაქ ნიუპორტში პირველად გაასამართლეს მძღოლი სიჩქარის გადაჭარბების გამო.
1963 – 200 000-ზე მეტმა ამერიკელმა მიიღო მონაწილეობა მარტინ ლუთერ კინგის მიერ ზანგების დისკრიმინაციის წინააღმდეგ მოწყობილ მარშში.
1996 – პრინც ჩარლზისა და პრინცესა დაიანას განქორწინება.