იაპონელი მორაგბე რიოჰეი იამანაკა სექტემბერში გასამართ რაგბის მსოფლიოს ჩემპიონატს გამოტოვებს და, ამას გარდა, კიდევ ორი წელი ვერ გაეკარება ოვალურ ბურთს იმის გამო, რომ მის ორგანიზმში აკრძალული პრეპარატები – სტეროიდები აღმოაჩინეს. მორაგბის მტკიცებით, აკრძალული პრეპარატი მის ორგანიზმში შემთხვევით მოხვდა თმის ზრდის დამაჩქარებელი საშუალებით, რომელიც მან ულვაშების გაზრდის მიზნით მიიღო. თუმცა, ეს არგუმენტი რაგბის საერთაშორისო ანტისადოპინგო კომისიამ არ მიიღო და იაპონიის ნაკრები საკვანძო მოთამაშის გარეშე დატოვა. საინტერესოა, რომ იმავე საშუალების მიღების გამო, 2006 წელს, ტურინის ზამთრის ოლიმპიადა „მინესოტა უაილდის” ჰოკეისტმა ჟოზე ტეოდორმა გამოტოვა.