მძიმეწონოსანმა მსოფლიოს ექსჩემპიონმა კრივში და ყველა დროის ერთ-ერთმა ყველაზე სკანდალურმა სპორტსმენმა – მაიკ ტაისონმა ტელეარხ „სიბიესის” რეალითი-შოუ „სეიმ ნეიმში” მიიღო მონაწილეობა. მან შოუს ფორმატის ფარგლებში მიჩიგანის შტატში მდებარე საავადმყოფოში ერთი დღე ექთნად იმსახურა. შოუს სცენარიდან გამომდინარე, ცნობილი ადამიანები ერთ დღის განმავლობაში სხვადასხვა ამპლუას ირგებენ. ტაისონმა, რომელიც უკანასკნელად რინგზე 2005 წელს გავიდა, თეთრი ხალათი ჩაიცვა და ავადმყოფების მოვლით გააკვირვა ამერიკელი ტელემაყურებელი.