იტალიის ნაკრებისა და ტურინის „იუვენტუსის” გოლკიპერის ჩეხმა მეუღლემ – მოდელმა ალენა სერედოვამ განაცხადა, რომ არ სურს, საკუთარი მეუღლე რომელიმე კლუბის მწვრთნელად იხილოს მომავალში. „ვიმედოვნებ, ჯიჯი არ გახდება კლუბის მწვრთნელი. მაშინ ისევ იმ გრაფიკით მოგვიწევს ცხოვრება, როდესაც ჩემს მეუღლეს შაბათ-კვირასაც არ ეცალა ოჯახისთვის“. საინტერესოა, რომ ალენა ჯიჯის იტალიის ნაკრების მწვრთნელის ამპლუაში ყოფნას მიესალმება, რადგან, მისი აზრით, ნაკრების მწვრთნელებს, უფრო მეტი თავისუფალი დრო აქვთ, ვიდრე საკლუბოებისას.