მსოფლიოს და გინესის რეკორდსმენი ველოხტომაში, იტალიელი ვიტორიო ბრუმატი შვებულებას სარდინიაზე ატარებს თავის მეგობარ ქალთან – მოდელთან და მსახიობთან, ჯორჯია პალმასთან ერთად. ბრუმატი ცნობილია თავისი გამოსვლებით როგორც სამშობლოში, ასევე ამერიკაში. იგი გინესის წიგნის სამგზის რეკორდსმენია, უკანასკნელად კი, მან სარეკორდო გადახტომა განახორციელა ველოსიპედით ზღვის დონიდან 150 მეტრ სიმაღლეზე. 2006 წელს ვიტორიომ, რომელიც იტალიაში სუპერპოპულარულია, მსოფლიოს ჩემპიონატი მოიგო ველოხტომაში. მისი „გერლფრენდი“ კი იტალიაში ნაკლებად ცნობილია, თუმცა ხშირად მონაწილეობს სხვადასხვა ტელეშოუებში.