28 ივლისს ბათუმში „ვესტელის” გენერალური სპონსორობით გამართული ქვიშის საერთაშორისო საფეხბურთო ტურნირი დასრულდა. ხუთი დღის განმავლობაში ერთმანეთს პირველობისთვის ეჯიბრებოდა ხუთი ქვეყნის წარმომადგენელი ცხრა გუნდი. გამარჯვებულ და პირველ, მეორე ადგილებზე გასულ გუნდებს „ვესტელისგან” გადაეცათ „ელსიდი” და „ლედ” ტელევიზორები. ასევე, ტელევიზორი გადაეცა საჩუქრად ტურნირის დასრულების შემდეგ გამოვლენილ საუკეთესო ფეხბურთელს – ლევან ნადარაიასაც. საფეხბურთო აურზაურის ტალღის ასაგორებლად, ტურნირის დაწყებამდე, ბათუმის ბულვარში „ვესტელის” მიერ ორგანიზებული „ფლეშმობი“ ჩატარდა.
„ვესტელმა” დამსვენებლებსა და ფეხბურთის მოყვარულებს ბევრი სხვა სიურპრიზიც მოუმზადა. ოსტატობის გამოვლენის შანსი ყველა მსურველს რომ მისცემოდა, „ვესტელმა” საფეხბურთო მოედნის შესასვლელთან მინი-კარი დადგა და ყოველდღიურად ასაჩუქრებდა, ეგრეთ წოდებულ, მინი-ფეხბურთში გამარჯვებულებს.