გასულ კვირას ვწერდით ნათია მაქაცარიას ცხოვრებაში მომხდარი ძალიან საინტერესო სიახლის შესახებ. ანტალიაში დასასვენებლად მყოფი ნათია მაქაცარია და ომარ ჩიქოვანი, თბილისში დაბრუნდნენ და თავიანთი სიყვარული კანონიერ ჩარჩოებში მოაქციეს. 5 აგვისტოს წყვილმა ჯვარი სვეტიცხოველში დაიწერა, ქორწილი კი ულამაზეს ადგილას – „ბომონდ-გარდენში“ გადაიხადეს.
ნათიასა და ომარის შესახებ დაბეჭდილ მასალაში ეწერა, რომ მათი რომანის შესახებ ყველა ინფორმაცია გადამოწმებული არ იყო და უზუსტობა გაიპარა, – ნათიამ და ომარმა არა ინტერნეტის საშუალებით, არამედ თბილისში, ომარის გამოფენაზე გაიცნეს ერთმანეთი და სწორედ აქედან დაიწყო მათი ურთიერთობა. თუმცა, ახლა მთავარია, რომ ისინი დაქორწინდნენ და თავს ბედნიერად გრძნობენ.