ვაშლის ძმარი სასარგებლოა ჰიპერტონიისა და კუჭის წვენის დაბალი მჟავიანობის დროს. შეგიძლიათ, დღეში ერთხელ, ჭამის წინ, დალიოთ 1 ჩაის ჭიქა წყალში გახსნილი 1 ჩაის კოვზი ვაშლის ძმარი.

ანტისეპტიკური თვისებების გამო მას იყენებენ მეჭეჭების, სახეზე ლაქებისა და პაპილომების მოსაცილებლად.

ვენების გაგანიერებისას ვაშლის ძმარი წაისვით მტკივნეულ ადგილზე.

ვაშლის ძმრით შეიძლება ანგინის, ფარინგიტის განკურნება: 1 ჩაის კოვზი ძმარი ჩაასხით 1 ჩაის ჭიქა თბილ წყალში და საათში ერთხელ გამოივლეთ ყელში, სანამ ტკივილი გაგივლით. 12 საათის შემდეგ ნუშისებრ ჯირკვლებზე გაქრება ყოველგვარი ნაფიფქი, ანგინა კი 24 საათში განიკურნება. ასეთივე ხსნარი უნდა მიიღოთ გულისრევის, ყურებში შუილის, თავბრუსხვევისა და ყურების დახშობის დროს. მკურნალობა გრძელდება ერთი თვის განმავლობაში, თუმცა, ჯანმრთელობის გაუმჯობესება უკვე ერთ კვირაში შეიმჩნევა.

რევმატიზმისა და ართრიტის დროს სახსრები ვაშლის ძმრით უნდა დაიზილოთ.