საზამთროში 98 პროცენტი წყალია, მაგრამ, ამის გარდა, ის შეიცავს მინერალურ მარილებს, კალციუმს, მაგნიუმს, რკინას, საქაროზასა და კობალტს.

ასევე, არსებობს მოსაზრება, რომ საზამთროში არის ნივთიერება, რომელსაც თირკმელებში კენჭების დაშლა ან დაძვრა შეუძლია, თუმცა, ამის შიშის საფუძველი ნაკლებია. თუ ადამიანს დიდი ქვა აქვს თირკმელში, ის დროთა განმავლობაში ინფექციურ კერას ქმნის. ამ შემთხვევაში ცოტაოდენი საზამთროს მიღება სასარგებლოა, მაგრამ, არა იმისთვის, რომ ქვა დაშალოს, არამედ, ინფექცია რომ გამოდევნოს ორგანიზმიდან.

საზამთროს განსაკუთრებულად ფრთხილად უნდა მოეკიდონ ის ადამიანები, რომელთაც გულ-სისხლძარღვთა სისტემა აწუხებთ. ან მაღალი წნევა აქვთ, რადგან, რაც უფრო მეტი სითხე ხვდება ორგანიზმში, მით მეტი დატვირთვა ადგება გულს. ამას გარდა, საზამთროს შეუძლია, ორგანიზმში წყლის და მარილის ბალანსი დაარღვიოს, კერძოდ, მარილი გაცილებით მეტი რაოდენობით გამოდევნოს ორგანიზმიდან, ვიდრე ეს საჭიროა. შესაძლოა, მსგავსი რამ კალციუმზეც მოხდეს.

ბევრი ადამიანი გახდომის მიზნით ან ორგანიზმის გასაწმენდად, საზამთროს დიეტას იწყებს. არადა, 7-10 დღის განმავლობაში მხოლოდ ამ ხილის ჭამა არ შეიძლება – ეს ნიშნავს იმას, რომ თქვენ არასრულფასოვნად იკვებებით, რადგან საზამთრო არ შეიცავს ვიტამინებს.