ბრიტანულმა ტელეარხმა „საიფაიმ” გამოკითხვა ჩაატარა, რომლის მიზანიც გასული ათწლეულის ყველაზე არამზადა ადამიანის დადგენა იყო. პირველი ადგილი რეიტინგში „ფიფას“ პრეზიდენტმა ზეპ ბლატერმა დაიკავა, რომელმაც ხმების 9,2 პროცენტი მიიღო. ბრიტანელების უმეტესობას ბლატერი მას შემდეგ არ მოსდით თვალში, რაც 2018 წლის მსოფლიოს ჩემპიონატის მასპინძლობა მან ინგლისის ნაცვლად რუსეთს გადაულოცა. ბლატერის გარდა რეიტინგში მოხვდნენ: „ჩელსის” მცველი ეშლი კოული, რომელიც, ყოფილ მეუღლესთან, შერილ კოულთან შერიგების მიუხედავად, კვლავ აგრძელებს ღალატს და, ასევე, მეგოლფე ტაიგერ ვუდსი, რომლის სექსუალურმა სკანდალებმა მსოფლიოს სპორტის ქომაგები შოკში ჩაყარა.