* ევროპარლამენტს – ევროპის ეკონომიკური საზოგადოების უმაღლეს ორგანოს, რომელიც მასში შემავალი ყველა ქვეყნის ქმედების კოორდინირებას ახდენს, საზოგადოების წევრი ქვეყნები აფინანსებენ. აღმოჩნდა, რომ გასული საუკუნის 90-იან წლებში ყველაზე მეტი – ხარჯის 60 პროცენტი – თარჯიმნებზე მოდიოდა.

* იაპონელ სერჟანტს, ბოიჩი იოკოის, მეორე მსოფლიო ომის დროს თავი არაფრით გამოუჩენია. დიდება მასთან  მოგვიანებით მივიდა, როდესაც მას კუნძულ გუამაის მხარეთმცოდნეობის მუზეუმში მთელი ექსპოზიცია მიუძღვნეს, წარწერით: „ეს ის იაპონელი ჯარისკაცია, რომელიც 40 წლის განმავლობაში ტყეში, როგორც პარტიზანი, ისე იმალებოდა, სანამ 1972 წელს არ დაიჭირეს“.

* კაპიტანმა კუკმა ერთ-ერთ კუნძულს თავისი სამშობლოს პატივსაცემად „ახალი კალედონია“ დაარქვა (კალედონია შოტლანდიის რომაული სახელწოდებაა). რა თქმა უნდა, კუნძულის ტროპიკული ბუნება სულაც არ ჰგავს შოტლანდიის ბუნებას, რაზეც ინგლისელები ხუმრობდნენ: „მხოლოდ ამ ადამიანს, რომელმაც მთელი თავისი ცხოვრება ზღვაზე გაატარა, დაავიწყდა, როგორ გამოიყურება მიწა“.

* ირლანდიის სამფერი დროშა მწვანე-თეთრ-ნარინჯისფერია. მწვანე კათოლიკების სიმბოლოა, ნარინჯისფერი – პროტესტანტების, თეთრი კი – მათ შორის მშვიდობის.

* ბოშათა პირველი ჟურნალი, „რომანი ზორია“, 1927 წელს მოსკოვში გამოიცა.

* ლონდონში გაიმართა ბარბების „ორეულთა“ კონკურსი, რომელშიც 8 ათასმა გოგონამ მიიღო მონაწილეობა. ჟიურიმ, რომელიც ჩვეულებრივი ბავშვებისგან შედგებოდა, გამარჯვება 24 წლის ჰეილი სპენსერს მიანიჭა –  მათ გაზეთებში დაბეჭდილ ფოტოსურათზე გამოსახული ჰეილი ბარბი ეგონათ.

* ორი წერტილი რუსულ E-ზე (E) 1797 წელს შემოიღეს. თუმცა, თანამედროვე დამწერლობაში, მოსწავლეთა სუფთა წერის გარდა, მისი გამოყენება არ არის აუცილებელი.

* 1897 წელს ინდიანას შტატში დაამტკიცეს 246-ე ბილი, რომლის მიხედვითაც „პი“ რიცხვი 4-ის ტოლად იყო მიჩნეული.