მამაკაცისთვის ქალთან ერთად ცხოვრებისას გაცილებით მნიშვნელოვანია ხვევნა-კოცნა, ვიდრე სექსი, – დაასკვნეს სწავლულებმა. 

გაირკვა, რომ მამაკაცები, რომელთა ქალებთან ურთიერთობისას ხვევნა-კოცნა ჭარბობს, სამჯერ უფრო მეტად ბედნიერები არიან, ვიდრე ისინი, ვისაც ურთიერთობის ასეთი ელემენტები თითქმის სრულიად არ აქვთ. ამავე დროს, მამაკაცები ხშირად აღნიშნავენ, რომ ბედნიერები არიან იმით, თუ როგორ არის აგებული მათი ურთიერთობა ქალებთან, ხოლო ქალები კი იმით, რამდენად კმაყოფილნი არიან თავიანთი სექსუალური ცხოვრებით. თუმცა, ერთად ცხოვრების პირველი თხუთმეტი წლის განმავლობაში ქალები საგრძნობლად უფრო მცირე სექსუალურ კმაყოფილებას იღებენ, ვიდრე მამაკაცები. მაგრამ, 15 წლის თანაცხოვრების შემდეგ მათი სექსუალური დაკმაყოფილების დონე 20 პროცენტით იმატებს. მამაკაცებისთვის სრული ბედნიერებისთვის კი საკმარისია, იცოდნენ, რომ ქალმა მიიღო სიამოვნება სექსისგან, განსაკუთრებით, თუ ქალმა განიცადა ორგაზმი.

კვლევები, ინდიანას უნივერსიტეტის კინსის ინსტიტუტის სწავლულებმა ჩაატარეს. კვლევების ხელმძღვანელმა ჯულია ჰეიმანმა აღნიშნა, რომ ერთობლივი ცხოვრების პირველ 15 წელს ქალი, ძირითად ძალებს  ბავშვების აღზრდას ახმარს. მაგრამ, წლების შემდეგ, მას შეუძლია, უფრო მეტი დრო და ძალა მოახმაროს მამაკაცთან ურთიერთობას და მისგან მეტი სიამოვნებაც მიიღოს.