ამერიკულ ნაციონალურ საკალათბურთო ასოციაციაში შესაძლოა, 2011-2012 წლების სეზონი ჩაიშალოს და ლოკაუტი გამოცხადდეს, რაც გუნდების მფლობელებისა და მოთამაშეთა პროფკავშირს შორის არსებული დაპირისპირების გამო ხდება, ამან კი შესაძლოა  კალათბურთელები მთელი სეზონის განმავლობაში უსაქმოდ დატოვოს. „მაიამი ჰითის” სუპერვარსკვლავმა დუეინ უეიდმა თავის მიკრობლოგში, ტვიტერზე განათავსა განცხადება, რომ დროებით სამსახურს ეძებს. საინტერესოა, რომ კალათბურთელის ამ ხუმრობას ამერიკული სწრაფი კვების რესტორნების ქსელი KFC -ს გენერალური მენეჯერი გამოეხმაურა და რესტორანში სამსახური შესთავაზა. სხვათა შორის, სკოლაში სწავლის დროს უეიდი KFC-ს სწრაფი კვების ობიექტში მუშაობდა და მენეჯერმა მას 250 ათასი დოლარის სანაცვლოდ, წარსულის გახსენება შესთავაზა.