სტოკჰოლმში გაიმართა სიმღერის სატელევიზიო ფესტივალი რიგა-სტოკჰოლმი, სახელწოდებით „ამბერ-სთარ”, რომელშიც მონაწილეობას იღებდა მსოფლიოს 16 ქვეყნის წარმომადგენელი. კონკურსის ჟიურის წევრები იყვნენ სხვადასხვა ქვეყნის ცნობილი მომღერლები, პროდიუსერები, მათ შორის – ადგილობრივი შვედები. საქართველოდან ჟიურის წევრად მიწვეული იყო ბატონი ჯემალ სეფიაშვილი. კონკურსი სამ სხვადასხვა კატეგორიაში მიმდინარეობადა, სადაც სხვადასხვა სტილის მომღერალი ცდილობდა თავისი ნიჭიერების გამოვლენას. ესენია – პოპ-როკი, მოდერნ-კლასიკი და ორიგინალი. სალომე მჭედლიძე საუკეთესო იყო მოდერნ-კლასიკის ჟანრში და უამრავი პრიზიც დაიმსახურა. საინტერესოა, რომ ამ კონკურსში თავის დროზე ძალები მოსინჯეს ნოდიკო ტატიშვილმა, სოფო ტოროშელიძემ და სხვებმა. სალომეს ფესტივალში მონაწილეობაში დაეხმარა სამშენებლო კომპანია „ნიუ-ენერჯი”, სადაც 23 წლის სალომე, რომელმაც საერთაშორისო სამართლის ფაკულტეტი დაამთავრა, მუშაობს. ვულოცავთ სალომეს გამარჯვებას და იმედს ვიტოვებთ, რომ კიდევ ბევრ კონკურსზე გვასახელებს!