ტკბილი, ანუ, ბულგარული წიწაკა უხვად შეიცავს A, B1, B2, B3, E და P ვიტამინებს, ფოლიუმის მჟავას, მინერალურ მარილებს, პექტინებს, ვაშლისა და ლიმონის მჟავებს, კალიუმს, მაგნიუმს, ფოსფორს, რკინას, სპილენძს, თუთიას. C ვიტამინი კი მასში გაცილებით ბევრია, ვიდრე ლიმონში. საკმარისია, მიიღოთ დღეში 30 გრამი ტკბილი წიწაკა, რომ ორგანიზმმა მიიღოს აუცილებელი სასიცოცხლო ნივთიერებები.
განსაკუთრებით სასარგებლოა წითელი, ნარინჯისფერი და ყვითელი წიწაკა.
ტკბილი წიწაკა აცხრობს შაკიკის შეტევას, შველის ხველას, აუმჯობესებს მხედველობას. კარგია ანემიის დროს. ასევე, ის ხელს უშლის სკლეროზის განვითარებას, ორგანიზმიდან გამოაქვს ზედმეტი, ცუდი ქოლესტერინი, აუმჯობესებს საჭმლის მონელებას, ამშვიდებს ნერვულ სისტემას.
თუ ტკბილ წიწაკას რეგულარულად მიირთმევთ, ის გაგიმაგრებთ ფრჩხილებსა და თმას და გაგიმკვრივებთ კანს.
ასე რომ, გირჩევთ, მიირთვათ ტკბილი წიწაკა და თავად დაეხმაროთ საკუთარ ორგანიზმს მთელი რიგი დაავადებების წინააღმდეგ ბრძოლასა და გამკლავებაში.