არგენტინული გრანდის, „ბოკა ხუნიორსის” მუზეუმში, რომელიც კლუბისთვის მშობლიურ სტადიონზე „ლა ბომბონერაზე” არის გახსნილი, გუნდის ვარსკვლავის – ხუან-რომან რიკელმეს ძეგლი დაიდგა. ძეგლის გახსნის საზეიმო ცერემონიას კლუბის 200-მდე ერთგული ქომაგი დაესწრო. 2,2 მეტრი სიმაღლის მონუმენტი იმავე მოქანდაკის ნამუშევარია, რომელმაც მანამდე კლუბის ვარსკვლავების – დიეგო მარადონასა და მარტინ პალერმოს ძეგლები შექმნა. არგენტინული საინფრომაციო საშუალებების ცნობით, ძეგლის გახსნის ცერემონიაზე რიკელმე ძლივს იკავებდა ცრემლებს და მხოლოდ სამადლობელი კომენტარებით შემოიფარგლა.