ამერიკელმა გოლფისტმა ტაიგერ ვუდსმა სარეკლამო კონტრაქტი გააფორმა ტკივილგამაყუჩებელი პრეპარატის მწარმოებელ იაპონურ ფარმაცევტულ კომპანიასთან. ეს არის პირველი კონტრაქტი მას შემდეგ, რაც 2009 წელს ტაიგერ ვუდსი სექსუალურ სკანდალში გაეხვა და მასთან თანამშრომლობაზე უარი განაცხადეს მსოფლიოს წამყვანმა ბრენდებმა. ვუდსის „ტვიტერზე” გამოქვეყნებული ცნობის თანახმად, კონტრაქტი სამწლიანია, ხოლო რა  თანხას მიიღებს სპორტსმენი – უცნობია. აღსანიშნავია, რომ 2010 წელს ტაიგერ ვუდსი ცნობილ ადამიანთა შორის ყველაზე არაეფექტურ სარეკლამო სახედ დაასახელეს.