ტრავმებისგან დატანჯულმა ინგლისელმა ფეხბურთელმა ოუენ ჰარგრივზმა, რომელიც ბოლოს „მანჩესტერ იუნაიტედის” რიგებში ირიცხებოდა, ახალი კლუბის მოძიების ორიგინალურ ხერხს მიმართა და თავისი მონაწილეობით ვიდეორგოლები ვიდეოჰოსტინგ „იუთუბიზე” ატვირთა. ვიდეოკადრებიდან ჩანს, რომ ჰარგრივზი სრულად განიკურნა ტრავმისგან და ბრწყინვალე სპორტულ ფორმაში იმყოფება. მთლიანობაში ჰარგრივზმა თავისი ვარჯიშების 20-მდე ვიდეო განათავსა, რითაც იგი იმედოვნებს, რომ რომელიმე ევროპული კლუბის მწვრთნელი მიაქცევს მას ყურადღებას და მასთან თანამშრომლობას მოისურვებს.