მომზადების წესი: გარეცხილ, შემშრალ თევზის ფილეს წაუსვით მარილი. ყაბაყი გარეცხეთ და დაჭერეთ ნახევარი სანტიმეტრი სისქის რგოლებად. მოაყარეთ ცოტა მარილი და მოათავსეთ იმ ფორმის ძირში, რომელშიც თევზს „გამოაცხობთ“. ყველა სუნელი და პილპილი მოათავსეთ ერთ თასში. მშრალ, ცხელ ტაფაზე დაყარეთ ცერეცოს თესლი და ხალეთ 20 წამი. ანუ, სანამ სამზარეულოში სასიამოვნო სუნი არ დადგება. ფრთხილად იყავით, არ დაგეწვათ. შეურიეთ ესეც სუნელებს. იმავე ტაფაზე დაასხით ცოტა ზეთი და მოშუშეთ მასზე ხახვი. წვრილად დაჭერით პომიდორი.
ფორმაში ჩააწყვეთ თევზის ნაჭრები, მოასხით „ბალზამიკო“, მოაყარეთ სუნელების ნაზავის ნახევარი. მერე დააწყვეთ ხახვი, პომიდორი, დარჩენილი სუნელი და მწვანილი (რომელსაც თქვენ შეარჩევთ გემოვნებით, ამ ყველაფერს მოასხით 3 სადილის კოვზი ზეთი და მოათავსეთ 200 გრადუსზე გაცხელებულ აირღუმელში. ფორმას წინასწარ გადააფარეთ ფოლგა. კერძის მომზადებას 15 წუთი დასჭირდება. მერე მოხსნით ფოლგას, თევზს აირღუმელში კიდევ 5 წუთს გააჩერებთ და მზად არის!