საჭირო ინგრედიენტები: 1 ცალი მთლიანი ქათამი ან ფრთა თავისი ფრთისძირით – 1,4 კილოგრამამდე, 1 თავი ხახვი, 1 სადილის კოვზი ტომატ-პასტა, 1 ქილა დაკონსერვებული პომიდორი თავისივე წვენში, 1 სადილის კოვზი თეთრი, მშრალი ღვინო, 2 სადილის კოვზი დანაყილი ნიგოზი, 40-50 გრამი კარაქი, 1 კონა ქინძი, 1 კონა ოხრახუში, 1 სადილის კოვზი მშრალი, დაფხვნილი პიტნა, 2 კბილი ნიორი, მარილი, წითელი, დაფქული წიწაკა.
მოამზადების წესი: ქათამი დაჭერით, ჩააწყვეთ თასში მჭიდროდ და თავზე დაახურეთ. დადგით ცეცხლზე, რა წვენიც გამოუვა, მოაგროვეთ ფინჯანში და ხორცი კარაქში მოხრაკეთ. დაუმატეთ წვრილად დაჭრილი ხახვი (შეგიძლიათ ნახევარრგოლებადაც დაჭრათ). დაასხით ღვინო და ცოტა ჩაშუშეთ. დაუმატეთ პომიდორი თავის წვენში და ტომატ-პასტა, ის ბულიონიც, რომელიც შენახული გქონდათ ფინჯანში და შუშეთ დაბალ ცეცხლზე, თავდახურულ ქვაბში 20-25 წუთი მაინც. თუ სითხე გეცოტავებათ, დაუმატეთ ცოტა ადუღებული წყალი.
დაჭერით მწვანილი, ნიგოზი და ნიორი ერთად დანაყეთ. როცა ხორცი თითქმის მზად იქნება, ჩაუმატეთ და მოურიეთ. მოაყარეთ პიტნა. უყავით მარილი, პილპილი – გემოვნებით. კიდევ ხუთი წუთი გააჩერეთ ცეცხლზე და მზად არის.