საჭირო ინგრედიენტები: 600 გრამი ძროხის ღვიძლი (სასურველია, ახალი იყოს და არა გაყინული), 6 თავი ხახვი, 2 ცალი სტაფილო, 150 გრამი მაგარი ყველი, ცოტა არაჟანი ან მაიონეზი გემოვნებით, მარილი, შავი პილპილი, კარაქი ან ზეთი მოსაშუშად.
მომზადების წესი: ღვიძლი მოათავსეთ გამოსაცხობ ტაფაზე, წაუსვით კარაქი (ზეთიც შეიძლება), მოაყარეთ რგოლებად დაჭრილი სამი თავი ხახვი. მოასხით არაჟანი (მაიონეზი). ღვიძლი შეგიძლიათ, მოზრდილ ულუფა-ნაჭრებად დაჭრათ. დანარჩენი ხახვი დაჭერით ნახევარრგოლებად.
სტაფილო გახეხეთ მსხვილკბილა სახეხზე და დარჩენილი 3 თავი ხახვი და სტაფილო მოშუშეთ ცალკე. უყავით მარილი, პილპილი – გემოვნებით. მოშუშული ხახვი და სტაფილო მოათავსეთ ღვიძლის ზემოდან. ბოლოს მოაყარეთ დაფხვნილი ან გახეხილი ყველი. ტაფა მოათავსეთ ცხელ აირღუმელში, 180 გრადუს ტემპერატურაზე, ნახევარი საათის განმავლობაში.