საქართველოს სამოდელო ბიზნესის ბაზარზე საერთაშორისო სამოდელო სააგენტო „ნიკიტა მოდელსი” იწყებს მუშაობას. სააგენტოს ქართული წარმომადგენლობის გრანდიოზული პრეზენტაცია 7 ივლისს შედგება. სააგენტოს გააჩნია ფილიალები არა მხოლოდ უკრაინასა და საქართველოში, არამედ ესპანეთსა და ჰონკონგში. სააგენტოს მსოფლიო მასშტაბით ორას ორმოცდაათზე მეტი პარტნიორი ჰყავს. ამ სააგენტოს მოდელია „იაგუარის” სახე, ასევე „მის უკრაინა“ და „მის კიევი“. სააგენტოს მოდელები მონაწილეობას იღებენ ჰოლივუდურ ფილმებში, ცნობილი მწარმოებლების – „კოკა-კოლას”, „პეპსის” რეკლამებში ასევე, ისეთი ბრენდების ჩვენებებში, როგორიცაა: „დიორი”, „მაქსმარა”, „პოლ სმიტი”, „სელინი”, „ესკადა” და სხვა. როგორც „ნიკიტა მოდელსის” ხელმძღვანელი ფოტოგრაფი და მხატვარი იგორ ამიროვი აცხადებს, სააგენტო ბევრ ქართველ მოდელს გაუხსნის გზას  მსოფლიო პოდიუმებისკენ. სააგენტოს პრეზენტაციაზე, რიყეზე მდებარე ახალ პარკში, პოდიუმზე გამოვლენ უკრაინიდან ჩამოსული მოდელები, მათ შორის, ერთ-ერთი, „მუმია 3”-ის მონაწილეა. საგანგებოდ ამ დღისთვის თბილისში ჩამოვა უკრაინის ყველაზე ცნობილი ქალი – დიჯეი ლერაც, რომელიც თავისი „ბოდი არტ“ ბალეტის გოგოებსაც ჩამოიყვანს.