არსებობს კვების პროდუქტები, რომლებსაც მკვეთრად გამოხატული დამცავი თვისებები აქვს.
ასეთია კალციუმის, მაგნიუმისა და თუთიის შემცველი პროდუქტები.
კვლევებით დადგინდა, რომ ეს ქიმიური ელემენტები კონკურენციას უწევს მძიმე ლითონებს. მაგალითად, თუ იყენებთ რძის ბევრ პროდუქტს, რომელიც მდიდარია კალციუმით, ორგანიზმზე ტყვიის ტოქსიკური ზემოქმედება მკვეთრად ქვეითდება. არახელსაყრელი მეტეოპირობების დროს აუცილებლად უნდა სვათ რძე და ჭამოთ დიდი რაოდენობით ხაჭო, ყველი, ნადუღი, მაწონი და სხვა.
რძისა და რძის პროდუქტების გარდა, ასეთ შემთხვევაში რეკომენდებულია ასევე, დიდი რაოდენობით ბოსტნეულის, ხილისა და მარცვლეული პროდუქტების მიღებაც, მათში დიდი რაოდენობით შედის უჯრედისი, რომელზეც მძიმე ლითონები ილექება და გამოიდევნება ორგანიზმიდან ისე, რომ ვერ ასწრებს შეწოვას.