ლატვიის დედაქალაქ  რიგაში საერთაშორისო სასიმღერო კონკურსი გაიმართა, სადაც მონაწილეობას იღებდა მსოფლიოს მასშტაბით სხვადასხვა ქვეყნის ათობით წარმომადგენელი. საქართველოს სახელით კონკურსზე გოგა მესხი გამოვიდა, რომლის გამოსვლებმაც ყოველგვარ მოლოდინს გადააჭარბა. მან შეძლო უძლიერეს კონკურსანტებთან ბრძოლაში პირველი ადგილი მოეპოვებინა. ჟიურის ერთპიროვნული გადაწყვეტილებით, მან კონკურსი მოიგო, თუმცა მაყურებლის სიმპათიაც ქართველი მომღერალი გახდა, რისი დადასტურებაც ინტერნეტ-გამოკითხვა იქცა. ოფიციალურ ვებ-გვერდზე გოგამ მაყურებლის რჩეულის ტიტულიც მოიპოვა. კონკურსი უზარმაზარ, კრუიზის გემზე იმართებოდა. გემზე მყოფი კონკურსანტები, თან შვედეთში მიემგზავრებოდნენ და თან მღეროდნენ. პარალელურად, გოგა მესხი ემზადება ევროპული „ემტივისთვის” კლიპის გადასაღებად. რამდენიმე ხნის წინ, მოგებულ კონკურსში მან დაიმსახურა ტიტული „ემტივის” აღმოჩენა და ახლა მუსიკალური არხი ელოდება მისგან კლიპს. გარდა ამისა, მომღერალი „გაეროს” საერთაშორისო კონკურსზეც მიიწვიეს, სადაც გოგა აგვისტოში გაემგზავრება.