თუ სამუშაო დღეებში რეგულარულად არ გძინავთ, იმედი ნუ გექნებათ, რომ გამოუძინებლობას გამოსასვლელ დღეებში აინაზღაურებთ. დღე-ღამეში თუ მხოლოდ ექვსი საათი და უფრო ნაკლები გძინავთ, თქვენ აპროვოცირებთ შრომის უნარის შეუქცევად გაუარესებას. რამდენიც არ უნდა იძინოთ შაბათ-კვირას, მისი აღდგენა არ გამოვა. გამოიძინებთ რა შაბათ-კვირას, ნამდვილად იგრძნობთ აზროვნების  გაუმჯობესებას, მაგრამ შრომის უნარი მაინც დაქვეითებულია, – ასეთ დასკვნამდე მივიდა პენსილვანიის შტატის სახელმწიფო სამედიცინო კოლეჯის ფსიქიატრიის პროფესორი, ალექსანდროს ვგონტზასი.
ამერიკელმა ფსიქიატრმა გამოარკვია, აგრეთვე, რომ მამაკაცები უფრო ცუდად იტანენ უძილობას, ვიდრე ქალები. კვლევით დადგინდა, რომ ღრმა ძილი დამცავი ეფექტია ქალებისთვის, რითაც ისინი უფრო ადვილად აღიდგენენ უძილობისგან შეზღუდულ ფუნქციებს. მამაკაცებისთვის ღრმა ძილს ასეთი ეფექტი არ აქვს. სამაგიეროდ, გაცილებით ცუდად მოქმედებს უძილობა გათხოვილ ქალებზე. მამაკაცებზე კი ქორწინება გავლენას არ ახდენს.