ამერიკელმა ქალმა კალათბურთელმა – კელი მილერმა, რომელსაც ამერიკის მოქალაქის დამადასტურებელ მოწმობასთან ერთად, რუსეთის მოქალაქის პასპორტიც ჰქონდა, თავისი რუსული პასპორტი დახია და უნიტაზში ჩარეცხა. დაუდგენელია, თუ როდის ან სად მოხდა ეს ფაქტი, თუმცა უნიტაზის ამბავი რუსეთის ქალ კალათბურთელთა ნაკრების გენერალურმა მენეჯერმა, ოქსანა რახმატულინამ დაადასტურა. მილერი 2005-2010 წლებში რუსული საკალათბურთო კლუბ „სპარტაკის“ წევრი იყო და რუსეთის ნაკრებშიც თამაშობდა. რახმატულინას თქმით, ამიერიდან უცხოელ სპორტსმენებს მას შემდეგ მოიწვევენ, როცა დაამტკიცებენ, რომ რუსეთის ნაკრებში თამაშს იმსახურებენ.