* E T A I S O N H R D L U C M F W Y P G V K J Q X Z – ასოების ეს თანმიმდევრობა მიუთითებს, თუ რა სიხშირით გამოიყენება ისინი ინგლისურ მეტყველებაში.
* იშვიათად შეგხვდებათ მოზრდილი ადამიანი, რომელმაც არ იცის, რას ნიშნავს „პარაშა“, თუმცა, ალბათ, ნაკლებმა იცის ის, რომ ეს სიტყვა სახალინის კატორღაში წარმოიშვა. იქ „პატივისცემით“ ციხის ამ ადგილს „პრასკოვია ფედოროვნას“ ეძახდნენ.
* შვეიცარიაში სტუმრის ყურადღებას ხშირად იპყრობს შენობა, რომლის თავზეც თეთრი დროშა ფრიალებს. ეს შენობა ციხეა და მასზე თუ თეთრი დროშაა, ნიშნავს, რომ იმ მომენტში ციხეში არც ერთი პატიმარი არ ზის.
* ძველ რუსეთში დიდი მოთხოვნა იყო არწივის ბუმბულზე. მათ ისრებად იყენებდნენ და ამ მხრივ ის საუკეთესოდ მიიჩნეოდა.
* პეტრე პირველის დროს გატარებულმა რეფორმებმა ეკლესია არა მარტო დაუქვემდებარა სახელმწიფოს, არამედ გააუქმა წვერის გაპარსვის აკრძალვაც, რითაც მართლმადიდებელი ღვთისმსახურები კათოლიკეებისგან გამოირჩეოდნენ.
* ძველად ზოგიერთ ევროპულ დუქანთან მაღალ ბოძზე მიკრული იყო ჩალის კონა, რაც იმას ნიშნავდა, რომ იქ ღამის გათევაც შეიძლებოდა... ჩალაზე.
* უილიამ ნორმანელმა (ვილჰელმმა) – ინგლისის დამპყრობელმა, თავის მეომრებს, არმიის ნაპირზე გადასხმისას, ასე მიმართა: „ხედავთ, მე ამ სამეფოს ორი ხელით ვიღებ“. ეს არ იყო უბრალოდ ლამაზი გამონათქვამი. საქმე ისაა, რომ ნაპირზე გადასვლისას ის დაეცა, რაც ცუდ ნიშნად მიიჩნეოდა. ამ ფრაზით კი მან თავისი მეომრები გაამხნევა.