გენიალური ნაწარმოების ახლებული ინტერპრეტაცია გორის თეატრში
25 ივნისს, გორის სახელმწიფო დრამატულ თეატრში, შედგება სპექტაკლ „მსხვერპლის” პრემიერა რეჟისორ სოსო ნემსაძის ახლებური ინსცენირებით. სპექტაკლი საინტერესოდ წარმოაჩენს იმ პრობლემას, რომელიც საზოგადოებისთვის წლების წინაც აქტუალური იყო და დღემდეც ასეა. დავით კლდიაშვილის ეს გენიალური ნაწარმოები დიდ წარმატებას მოუტანს გორის თეატრის შემოქმედებით ჯგუფს. გორის თეატრი ბოლო 6 თვის განმავლობაში არა მხოლოდ ხშირი პრემიერებით გამოცოცხლდა, იქ საქველმოქმედო აქციაც ჩატარდა – „თეატრი თეატრისათვის“. მთელი ერთი თვე გორის თეატრის სცენაზე საქართველოს თოთხმეტმა წამყვანმა თეატრმა წარმოადგინა საუკეთესო სპექტაკლები. აქციიდან შემოსული თანხით კი თეატრმა შეიძინა უახლესი განათების სისტემა და გააუმჯობესა თავისი ტექნიკური შესაძლებლობები.