“რა მოხდა ვეგასში – 2„ – ყველაზე მძიმე “პახმელია„ გრძელდება
16 ივნისს კინოთეატრ „ამირანში” ყველაზე სახალისო ფილმის – „რა მოხდა ვეგასში” მეორე ნაწილის პრემიერა გაიმართა. „რა მოხდა ვეგასში – 2” ანუ „გატრაკება ბანკოკში” პირველის ღირსეული გაგრძელებაა – უფრო სასაცილო და გაცილებით ეგზოტიკური ისტორიებით. მეგობრები ბოლომდე „ატრაკებენ”, რომლის მძიმე შედეგიც მეორე დღეს, ნაბახუსევზე იჩენს თავს. ფილი, სტიუ და ალანი სტიუს ქორწილში, ტაილანდში მიემგზავრებიან. თუმცა, ყველაფერი გეგმის საწინააღმდეგოდ მიდის. რაც ბანკოკში ხდება, ამის წარმოდგენაც კი შეუძლებელია... ეს ყველაფერი აუცილებლად უნდა ნახოთ. კინოთეატრში მისულებს უჩვეულო სანახაობა დაგვხვდა. მოეწყო საინტერესო წვეულება მამაკაცებისთვის, რომლის წამყვანებიც – გიორგი ყიფშიძე და კოტიკო თოლორაია იყვნენ. წვეულებაზე იყო ძალიან ბევრი ლუდი და ულამაზესი გოგონები. ფილმის დაწყებამდე სახალისო შეჯიბრებები ძირითადად ლუდის სმაში გაიმართა. გამარჯვებულებს კი პრიზად „ვულე-ვუს” საჩუქრები გადაეცათ.