დამღლელი სეზონის დასრულების შემდეგ, ლონდონის „ჩელსისა” და ინგლისის ნაკრების კაპიტანი ჯონ ტერი მეუღლესთან, ტონი ტერისთან და ტყუპ შვილებთან ერთად შვებულებას სპარსეთის ყურეში, აბუ-დაბის სანაპიროზე ატარებს. „გულახდილ“ საცურაო კოსტიუმში გამოწყობილმა ტონიმ უკვე მიიქცია არაბი მამაკაცების ყურადღება, თუმცა მეუღლის გამომწვევ ქცევებს ჯონ ტერი ყურადღებას  არ აქცევს და მასთან წყალში თამაშით ერთობა. შეგახსენებთ, რომ ჯონი და ტონი ძალიან ახლოს იყვნენ გაყრასთან, მას შემდეგ, რაც ცნობილი გახდა, რომ ჯონს რომანი ჰქონდა თავისი თანაგუნდელის, უეინ ბრიჯის მეუღლესთან. მაგრამ, ტონიმ აპატია ქმარს ღალატი და ამჟამად წყვილი აღარ იხსენებს წარსულ პრობლემებს.