* კონიაკის დასაძველებლად გამოსაყენებელ სპეციალურ კასრებს არ რეცხავენ, მას ორთქლში ატარებენ.

* „სამყარო ძლიერ შეიცვალა, ყველას უნდა, წიგნები წეროს და შვილებიც არ უჯერებენ თავიანთ მშობლებს“, – ასე წერია ძველ ეგვიპტურ პაპირუსებში.

* 1603 წლიდან მოხდა ვარსკვლავების კლასიფიკაცია მათი სიკაშკაშის მიხედვით და შესაბამისად დაერქვა: ალფა, ბეტა, გამა და ასე შემდეგ. თუმცა, ვარსკვლავების სიკაშკაშე დროთა განმავლობაში იცვლება, შესაბამისად, იცვლება მათი ადგილებიც კლასიფიკაციაში.

* კუნძულ იავაზე გამოსცეს დადგენილება, რომლის მიხედვითაც ახალდაქორწინებულები ვალდებული არიან, დარგონ ნაყოფის მომცემი ხე. მეორედ დაქორწინებულები სამ ხეს რგავენ. 5 ხეს  რგავენ წყვილები განქორწინების შემთხვევაში.

* სანკტ-პეტერბურგის საარტილერიო მუზეუმის ეზოში განლაგებულ ზარბაზანთა ლულის დიამეტრებია: „დიდი დრაკონის“ – 145 მილიმეტრი, „დათვის“ – 180, „წითურა ლომის“ – 195, „პატარა ფისოსი“ კი – 273 მილიმეტრი.

* ჩვიდმეტი წლის ფინელმა ბიჭუნამ, ჰარი პელიონრამ მიიღო უფასო საგზური ლაპლანდიის ერთ-ერთ კურორტზე. ეს  ჯილდო ტრადიციულ შეჯიბრებაში გამარჯვებისთვის მოიგო, სადაც მან 5 წუთში 21 კოღო მოკლა.

* „იაპონელი“ – ასე დაარქვეს 71-კილოგრამიან, თვითნაბად ოქროს ზოდს, რომელიც 1901 წელს კუნძულ ჰოკაიდოზე იპოვეს. კაცობრიობის მთელი ისტორიის განმავლობაში ნაპოვნია 10 ათასი ასეთი დიდი წონის თვითნაბადი ოქროს ზოდი.

* გერმანიის ქალაქ ტორგაუში ლუდის ბარის მეპატრონემ მომწვანო-მოყავისფრო, კაქტუსის ფორმის, 2,5 მეტრის სიმაღლის კოშკი ააგო, რაზეც 4 400 ლუდის ქილა დახარჯა. ეს კოშკი მისი ბარის სიმბოლოდ იქცა.

* კუნძულ მადაგასკარის ჩრდილოეთით მდებარე ქალაქ სამბავაში, მთავრობის გადაწყვეტილებით, ვანილის წლიური მოსავლის მესამედი დაწვეს, რათა წინააღმდეგობა გაეწიათ ამ არომატული სანელებლის ფასის დაცემისთვის მსოფლიო ბაზარზე. ვანილი მადაგასკარის ერთ-ერთი ძირითადი საექსპორტო საქონელია.