ნიორი – ძალიან საჭირო და აუცილებელი პროდუქტია. ის 6 000-ზე მეტი წლისაა და ყოველთვის აქტუალური იყო. მისი სამშობლო შუა აზიაა. მეცხრამეტე საუკუნის ბოლოს ევროპაში პირველად გამოქვეყნდა ეგვიპტური პაპირუსები, რომლებიც ჩვენს ერამდე 1550 წლით თარიღდება. პაპირუსებში საუბარია ნივრის სასწაულმოქმედ სამკურნალო ძალაზე და წამლის 22 რეცეპტია მოცემული.

ყველაზე ბევრ ნიორს საკვებში აზიელები მოიხმარენ – მათ ის ძალიან უყვართ.

ნიორს ცუდი ის აქვს, რომ მისი შეჭმის შემდეგ პირში უსიამოვნო სუნი და გემო რჩება. მაგრამ, ამ პრობლემას სწრაფად და ეფექტურად შველის ოხრახუში, კორდემონის ბურთულა და მიხაკი.