13 ივნისი

1859 – რუსეთმა დაასრულა ჩეჩნეთის დაპყრობა.

1944 – დაიწყო ლონდონის დაბომბვა გერმანული რაკეტებით „ფაუ-1“.

1956 – პარიზში შედგა ჩემპიონთა თასის პირველი ფინალი. თასის მფლობელი გახდა მადრიდის „რეალი“.

1958 – ჩინეთმა აამუშავა თავისი პირველი ატომური რეაქტორი.

14 ივნისი

1777 – ფილადელფიის კონტინენტურმა კონგრესმა დაამტკიცა ამერიკის შეერთებული შტატების დროშა – თეთრი და წითელი ზოლებით და ლურჯ ფონზე თეთრი ვარსკვლავებით.

1800 – მარგენგოსთან ბრძოლაში ნაპოლეონ ბონაპარტემ გაანადგურა ავსტრიული არმია და ჩრდილოეთ იტალიას დაეუფლა.

1841 – პირველი სხდომა ჩაატარა კანადის პარლამენტმა.

1847 – რობერტ ბუნზენმა გამოიგონა სანათური, რომელშიც შესაძლებელი იყო ალის ზომის რეგულირება.

1940 – ფაშისტური გერმანიის ჯარებმა დაიკავეს პარიზი.

15 ივნისი

1389 – კოსოვოს ბრძოლაში ოსმალეთის არმიამ გაანადგურა ქრისტიანთა (სლავთა და ჯვაროსანთა) გაერთიანებული ლაშქარი და დაიკავა ბალკანეთის ნახევარკუნძული.

1826 – არკანზასი გახდა ამერიკის შეერთებული შტატების 25-ე შტატი.

1844 – ჩარლზ გუდიარმა დააპატენტა ვულკანიზაციის მეთოდი რეზინის შესაკეთებლად.

1940 – საბჭოთა კავშირმა მოახდინა ლიტვის ანექსია.

16 ივნისი

1633 – ინკვიზიციის სასამართლომ გალილეო გალილეი ერეტიკოსად და დამნაშავედ სცნო.

1903 – დაარსდა საავტომობილო კომპანია „ფორდი“.

1925 – ყირიმში გაიხსნა ცნობილი პიონერთა ბანაკი „არტეკი“.

1963 – კოსმოსში გაემგზავრა პირველი ქალი კოსმონავტი – ვალენტინა ტერეშკოვა.

17 ივნისი

1925 – ჟენევაში ხელი მოეწერა პროტოკოლს, რომლის მიხედვითაც აიკრძალა ომის დროს ქიმიური იარაღის გამოყენება.

1928 – ამელია ერჰარტი გახდა პირველი ქალი, რომელმაც ატლანტის ოკეანეს გადაუფრინა.

1940 – ლატვიისა და ესტონეთის ოკუპაცია საბჭოთა ჯარების მიერ.

1950 – ჩიკაგოელმა ქირურგმა რიჩარდ ლოუელმა ჩაატარა თირკმლის გადანერგვის პირველი წარმატებული ოპერაცია.

1982 – სიტყვით გამოსვლისას ამერიკის შეერთებული შტატების პრეზიდენტმა რონალდ რეიგანმა საბჭოთა კავშირს „ბოროტების იმპერია“ უწოდა.

18 ივნისი

1815 – ვატერლოოს ბრძოლა, სადაც საბოლოოდ ჩაესვენა ნაპოლეონის მზე.

1853 – ისტორიაში პირველად გაფორმდა სიცოცხლის დაზღვევა. ლონდონელმა რიჩარდ მარტინმა 200 ფუნტად დააზღვია უილიამ გიბსონის სიცოცხლე.

1889 – ამერიკაში დააპატენტეს საბავშვო ეტლი.

19 ივნისი

1846 – ამერიკის ქალაქ ჰობოკენში გაიმართა ბეისბოლის პირველი მატჩი.

1862 – მონათმფლობელობა აიკრძალა ამერიკის შეერთებული შტატების მთელ ტერიტორიაზე.

1917 – პირველი მსოფლიო ომის დროს დიდი ბრიტანეთის მეფემ გამოსცა ბრძანებულება – სამეფო ოჯახის ყველა წევრის სახელებში ამოეღოთ გერმანული ტიტული. სამეფო დინასტია, რომელსაც ადრე ეწოდებოდა საქს-კიბერგ-გოთელი, გახდა უინძორელი.

1961 – დიდმა ბრიტანეთმა აღიარა ქუვეითის დამოუკიდებლობა.

1990 – ბელგიამ, საფრანგეთმა, ჰოლანდიამ, ლუქსემბურგმა და გერმანიამ ხელი მოაწერეს შენგენის ხელშეკრულებას ერთმანეთს შორის საზღვრების გახსნის თაობაზე.