NBA-ს ოთხგზის ჩემპიონმა და 1996 წლის ატლანტის ზაფხულის ოლიმპიარდის ოქროს პრიზიორმა, ლეგენდარულმა კალათბურთელმა შაკილ ონილმა კარიერის დასრულების თაობაზე გააკეთა განცხადება. ონილმა მსოფლიოს საუკეთესო საკალათბურთო ლიგაში 19 სრული სეზონი გაატარა და კარიერის განმავლობაში მან მსოფლიო ვარსკვლავების: მაიკლ ჯორდანის, ჩარლზ ბარკლის, ჰაკიმ ოლაუჯოუნის და პატრიკ იუინგის წინააღმდეგ ითამაშა. ამერიკელი სპორტული მიმომხილველების თქმით, შაკილის წასვლით საბოლოოდ დასრულდა ამერიკული კალათბურთის დიადი ეპოქა.