მადრიდის „რეალის” მწვრთნელი, ჟოზე მაურინიო, ჩინურად ალაპარაკდა. ცნობილია, რომ მაურინიო რამდენიმე ევროპულ ენას ფლობს, თუმცა ჩინური მისთვის მაინც მიუწვდომელ მწვერვალად დარჩა და იგი მხოლოდ მისასალმებელი ფრაზის სწავლით დაკმაყოფილდა. ჩინურის სწავლა კი მაურინიოს სარეკლამო რგოლისთვის დასჭირდა, რომელიც ჩინელებს აუწყებს, რომ აგვისტოში სამეფო კლუბი ამხანაგურ მატჩებს ჩაატარებს ჩინურ კლუბებთან. მაურინიოსთან ერთად, ჩინურად კაკა და ხაბი ალონსოც ალაპარაკდნენ, კრიშტიანუ რონალდუ კი მხოლოდ ინგლისური მისალმებით შემოიფარგლა.