პასკალი: ადამიანის ზნეობრივ ხარისხზე ცალკეული მცდელობების მიხედვით კი არ უნდა ვიმსჯელოთ, არამედ, ყოველდღიური ცხოვრების მიხედვით.

აკაკი: ჭკუანაკლი კაცი საბრალოა, ზნეობა-ნაკლი კი – საზიზღარი!.. მაგრამ, თუ ერთსა და იმავე დროს ორივე ერთად აქვს განრისხებულ ადამიანს, მაშინ კი შორს და მშვიდობით! – მისი დაახლოება ჭირის გადაკიდებაა.

ბერტონი: სიყვარული აერთიანებდა მიწებს, აშენებდა ქალაქებს, ბადებდა ბავშვებს... ოღონდ, თუკი შელახავდა მის ღირსებას, ის ძირს სცემდა სამეფო გვირგვინებს, ანგრევდა სახლებს, ღუპავდა ოჯახებს.

მაქელი: უვალო სიღარიბე სიმდიდრეა.

პეტრარკა: რაც მეტია სიძუნწე, მით მეტია სიმკაცრეც.

ეპიკტეტი: უკეთესია, ჯანმრთელს მოკლე ლოგინზე გეძინოს, ვიდრე ავადმყოფს დიდ და ფართო საწოლზე. ასევე, ჯობია, მხიარულს საჭიროებები გქონდეს, ვიდრე ბრწყინვალედ ცხოვრობდე და არ გიხაროდეს.

სალუტიუსი: საერთო სურვილები და საერთო სიძულვილი – მტკიცე მეგობრობის საწინდარია.

გლინკა: უსაქმურობა ვაჟკაცობას აძინებს.

მარდამერი: ნივთები მაშინ კარგავს ფასს, როცა წარსულს, რომელსაც ისინი მოგვაგონებს, უკვე აღარ აქვს მნიშვნელობა.

გოგებაშვილი: ამერიკის გამოცდილებამ აშკარად დაამტკიცა, რომ ქალს უფრო მომეტებული ნიჭი აქვს სწავლებისა და აღზრდისა ბუნებისგან მინიჭებული, ვიდრე ვაჟსა. უმეტესი ნაწილი ამერიკული სკოლებისა ქალების ხელშია.

ფრანკლინი: ფულის ფლობის ძირითადი უპირატესობა მისი მოხმარების საშუალებაში მდგომარეობს.

არჩილ მეფე: სარწმუნოს მოყვრის შერისხვა სჯობს მტრის პირისპირ ქებასა.

სტივენსონი: ლომი ცხოველების მეფეა, მაგრამ შინაური ცხოვრებისთვის უვარგისი; ასევეა სიყვარული – იგი ძალზე ძლიერი გრძნობაა, რომ ქორწინებას დაედოს საფუძვლად.

პანჩატანტრა: არ შეილახო ღირსება, – ყელს მოგებჯინოს, არ ჩაიდინო ბოროტი, არ დაემონო სურვილსა!

ჭაბუა: ზოგი ადამიანი, იქნებ, ყველაფრით, ათასი საუკეთესო ღირსებით იყოს შემკული და მათი სწორად გამოყენების უნარი კი არ გააჩნდეს.

ილია: როცა ადამიანს სურს, შეიტყოს ღირსება და დიდება ერისა, უწინარეს ამას იკითხავს, – რამდენი მთქმელი და მწერალი ჰყავსო.

გოეთე: ადამიანი თავს შეიცნობს არა ფიქრით, არამედ მოქმედებით. თავის ფასს იგი შეიცნობს მხოლოდ შეუპოვარ ცდაში, რომ გააკეთოს ის, რაც საჭიროა.

კონსტანტინე: გაგება – დასასრულია. ადამიანი მითიური ბაზილიკასავით მოკვდება, როგორც კი თავის თავს დაინახავს აბსოლუტური შემეცნების სარკეში.

ბოგატი: დიდი ვნებები და დიდი ნაწარმოებები დიდი დაუკმაყოფილებლობისგან იქმნება.

საავედრა: მშიშარათა სულში ბედნიერებისთვის ადგილი არ არის.

სენეკა უმცროსი: ნაკლოვანებები შრომით გადაილახება.

რუსო: ათას გზას მივყავართ მცდარობისკენ, ჭეშმარიტებისკენ კი – მხოლოდ ერთს.

რერიხი: აზროვნებაზე ძალადობა მძიმე დანაშაულია და არ შეიძლება, ის გამართლებულ იქნეს – ეს ახალ ძალადობას დაუდებს საფუძველს.

შოუ: წარმატებას ამქვეყნად აღწევს ის, ვინც ეძებს საჭირო პირობებს, და თუ ვერ პოულობს, თვითონ ქმნის მას.

მოპასანი: მამაკაცი ბევრჯერ უნდა იყოს შეყვარებული, ერთი ქალი რომ შეიყვაროს.